పొలిట్ బ్యూరో సభ్యులు గుత్తికొండకు రాష్ట్ర పద్మశాలి సంక్షేమ సంఘం ఘన సన్మానం

తెలుగుదేశం పార్టీ లో అత్యున్నత పదవి ఐన పొలిటి బ్యూరో సభ్యుడిగా మంగళగిరి కి చెందిన గుత్తికొండ ధనుంజయరావు గారిని ఎంపిక చేయడం పట్ల ఆంధ్రప్రదేశ్ రాష్ట్ర పద్మశాలి సంక్షేమ సంఘం తరపున రాష్ట్ర అధ్యక్షులు శ్రీ జివి నాగేశ్వరరావు గారు హృదయపూర్వకంగా హర్షం ప్రకటించారు. ఈ సందర్భంగా ఈరోజు మంగళగిరిలో ని దామర్ల నాంచారమ్మ ప్రాంగణంలో గల శ్రీ భద్రావతి సమేత భావన ఋషి స్వామి ఆలయంలో గుత్తికొండ ధనుంజయరావు గారిని కలిసి ఘనంగా సత్కరించడం జరిగింది. ఈ సందర్భంగా జీవి నాగేశ్వరావు గారు మాట్లాడుతూ పార్టీ ఆవిర్భావం నుంచి తెలుగుదేశంపార్టీ నే నమ్ముకుని పార్టీకి సేవలు అందిస్తూ రాష్ట్రంలోని చేనేత వర్గ నాయకుడిగా దశాబ్దాలపాటు పోరాడిన ధనుంజయ గారిని గుర్తించి తెలుగుదేశం పార్టీలో అత్యున్నత పొలిట్ బ్యూరో సభ్యుడిగా నియమించడం ఎంతో గర్వకారణమని రాష్ట్ర చరిత్రలో పద్మశాలీలకు ఇంతటి అవకాశాన్ని కల్పించిన రాష్ట్ర ముఖ్యమంత్రివర్యులు జాతీయ తెలుగుదేశం పార్టీ అధ్యక్షులు గౌరవనీయులు శ్రీ నారా చంద్రబాబు నాయుడు గారికి మరియు రాష్ట్ర ఐటీ విద్యాశాఖ మాత్యులు మంగళగిరి శాసనసభ్యులు శ్రీ నారా లోకేష్ గారికి హృదయపూర్వకంగా ఆంధ్రప్రదేశ్ రాష్ట్ర పద్మశాలి సంక్షేమ సంఘం కృతజ్ఞతలు తెలియజేస్తుంది. ధనుంజయరావు గారితో పాటు రాష్ట్ర ఉపాధ్యక్షులుగా శాసనమండలి సభ్యురాలు శ్రీమతి పంచుమర్తి అనురాధ గారికి , కర్నూలు పార్లమెంటరీ మాజీ సభ్యులు డాక్టర్ సింగరి సంజీవ్ కుమార్ గారికి రాష్ట్ర కార్యదర్శిగా మరియు విశాఖపట్నం చెందిన వానపల్లి గాయత్రి ఫణి కుమారికి కూడా రాష్ట్ర కార్యదర్శిగా పదవులను ఇవ్వటం యావత్ పద్మశాలి సమాజం హర్షం ప్రకటిస్తుంది ఈ సన్మాన కార్యక్రమంలో ఆంధ్రప్రదేశ్ పద్మశాలి సంక్షేమ సంఘం రాష్ట్ర ఉపాధ్యక్షుడు వుడతా శ్రీనివాసరావు(బీరువాల శ్రీను), రాష్ట్ర కోశాధికారి తిరువీధుల కిరణ్, రాష్ట్ర కార్యనిర్వాహక కార్యదర్శి వానపల్లి త్రిమూర్తులు, కారంపూడి అంకమ్మరావు, రాష్ట్ర మహిళా ఉపాధ్యక్షురాలు నారాయణ రమాదేవి, సహాయ కార్యదర్శి సంగాబత్తుల గంగాభవాని, గుంటూరు జిల్లా యువజన విభాగం అధ్యక్షుడు జొన్నాదుల బాలకృష్ణ జిల్లా కార్యవర్గ సభ్యులు జొన్నాదుల రామాంజనేయులు, గంటా దుర్గాప్రసాద్, జొన్నాదుల మురళి, జాగు రమణ, గోలి మోహనరావు (పాల చంటి) తదితరులు పాల్గొన్నారు.

నిడమర్రు దళితవాడలో తీవ్ర నీటి సమస్య!


రాజధాని నిడమర్రు దళితవాడలో మంచినీరు సరఫరా వెంటనే చేయాలని సీపీఎం నేతలు సచివాలయ ఇంజనీరింగ్ అధికారి రోజాకు అర్జీ ఇచ్చారు.
గత మూడు రోజులుగా నీటి మోటార్ పాడైపోవడంతో 500 దళిత కుటుంబాలు తీవ్ర ఇబ్బందులు పడుతున్నాయి. వేసవి తీవ్రత దృష్ట్యా యుద్ధ ప్రాతిపదికన మోటార్‌ను రిపేర్ చేయించి నీరు సరఫరా చేయాలని, మరో బోరు ఏర్పాటు చేసి స్టాండ్‌బై మోటార్ కూడా ఉంచాలని సీపీఎం రాజధాని డివిజన్ కార్యదర్శి ఎం.రవి డిమాండ్ చేశారు.
తక్షణం మున్సిపల్ ట్యాంకర్ల ద్వారా నీరు అందించాలని కోరిన నేతల స్పందనగా అధికారులు వాటర్ ట్యాంకర్లను దళితవాడకు పంపించారు.

శ్రీ కాశీ అన్నపూర్ణేశ్వరి ట్రస్ట్ ఆధ్వర్యంలో అన్నదాన మహోత్సవం

మూడు సంవత్సరాలుగా నిరంతర సేవ… ప్రతి అమావాస్యకు 4000 మందికి అన్నప్రసాదం

భక్తి–సేవల మహాయజ్ఞంగా శ్రీ కాశీ అన్నపూర్ణేశ్వరి ట్రస్ట్ అన్నదానం… ప్రతి అమావాస్యకు వేల మందికి అన్నప్రసాదం

ట్రస్ట్ చైర్మన్ పందేటి సాంబశివరావు

మూడు ఏళ్లుగా నిరంతర సేవ – ప్రతి అమావాస్యకు వేల మందికి అన్నప్రసాదం

శ్రీ కాశీ అన్నపూర్ణేశ్వరి ట్రస్ట్ ఆధ్వర్యంలో అమావాస్య సందర్భంగా నిర్వహించిన అన్నదాన మహోత్సవం భక్తులతో కిటకిటలాడింది. శుక్రవారం మంగళగిరి శివాలయం సమీపంలోని శ్రీ పానకాల లక్ష్మీ నరసింహ స్వామి దేవస్థానం మెట్ల మార్గం వద్ద జరిగిన ఈ సేవా కార్యక్రమం భక్తి, సేవాభావానికి ప్రతీకగా నిలిచింది.
ప్రతినెల అమావాస్య రోజున నిర్వహిస్తున్న ఈ అన్నదాన కార్యక్రమం గత మూడు సంవత్సరాలుగా ఎలాంటి విరామం లేకుండా కొనసాగుతూ విశేష ఆదరణ పొందుతోంది. ప్రతి సారి సుమారు నాలుగు వేల మందికి పైగా భక్తులకు అన్నప్రసాదం అందించడం ఈ కార్యక్రమం ప్రత్యేకతగా నిలుస్తోంది. కార్యక్రమ స్థలానికి ఉదయం నుంచే భక్తులు భారీగా తరలివచ్చి, క్రమపద్ధతిలో అన్నప్రసాదం స్వీకరించారు... ట్రస్ట్ చైర్మన్ పందేటి సాంబశివరావు స్వయంగా ఏర్పాట్లను పర్యవేక్షిస్తూ, అన్నప్రసాదం పంపిణీలో పాల్గొని భక్తులకు సేవలందించారు. ఆయనతో పాటు ట్రస్ట్ సభ్యులు, స్వచ్ఛంద సేవకులు సమన్వయంతో కార్యక్రమాన్ని విజయవంతంగా నిర్వహించారు.ఈ సందర్భంగా ట్రస్ట్ చైర్మన్ పందేటి సాంబశివరావు మాట్లాడుతూ, పరమశివుని కృపతో పాటు భక్తులు, దాతల సహకారంతో ఈ అన్నదాన యజ్ఞం నిరంతరంగా కొనసాగుతుండటం సంతోషకరమని తెలిపారు. “ప్రతి అమావాస్యకు 4000 వేలా మంది భక్తులు అన్నప్రసాదం స్వీకరించడం మాకు ఆధ్యాత్మిక తృప్తిని ఇస్తోంది. ఆకలితో వచ్చిన వారు సంతృప్తిగా వెళ్లడం కన్నా గొప్ప ఆనందం మాకు లేదు” అని అన్నారు.ఈ సేవా కార్యక్రమం వెనుక సుమారు 40 మంది దాతల సహకారం ఉందని, వారి ఉదార సహాయంతోనే ఇంత పెద్ద స్థాయిలో అన్నదానం నిర్వహించడం సాధ్యమవుతోందని పేర్కొన్నారు. తీవ్ర వేసవి వేడిలో దాహంతో అలమటిస్తున్న వాహనదారులు, పాదాచారులకు ఉపశమనం కలిగించేందుకు చలివేంద్ర ఏర్పాటు చేసినట్లు పందేటి సాంబశివరావు తెలిపారు . ప్రతి ఏడాదిలాగే ఈ సంవత్సరం కూడా ఆయన ఆధ్వర్యంలో సగర సంక్షేమం కార్యాలయం వద్ద, గౌతమ్ బుద్ధ రోడ్డువెంబడి మజ్జిగ, చల్లని మంచినీటి పంపిణీ కార్యక్రమం కొనసాగుతోంది.భవిష్యత్తులో కూడా ఈ కార్యక్రమాన్ని మరింత విస్తరించాలనే సంకల్పంతో ఉన్నామని తెలిపారు..కార్యక్రమంలో పాల్గొన్న భక్తులు, స్థానిక ప్రజలు ట్రస్ట్ సేవలను అభినందిస్తూ, సమాజంలో ఇలాంటి సేవా కార్యక్రమాలు మరింత పెరగాలని ఆకాంక్షించారు. ముఖ్య అతిథులను శాలువాలతో ఘనంగా సత్కరించి అభినందించారు.ఈ కార్యక్రమంలో కలవకొల్లు వెంకయ్య, గండికోట శ్రీనివాసరావు, కర్నాటి శివ సత్యనారాయణ, నంగళం ప్రసాద్, కగ్గా శ్రీను, దుంపల సోములు, కటారి విష్ణుమూర్తి, కోదాటి శ్రీనివాసరావు, వాసు గోల్డ్, గండికోట అచ్చయ్య, పేరు బోయిన వెంకటేశ్వరరావు, శ్రీహరి, చిరుమామిళ్ల రంగారావు, పంచల శివన్నారాయణ, రెడ్డి వీర రాఘవులు, నంద్యాల గోపాలకృష్ణ, ముద్రబోయిన శ్రీనివాసరావు, అన్నపురెడ్డి రామకృష్ణారెడ్డి, బల్ల పార్థసారథి, భోజన పల్లి తాండవ, ఉద్దంటి మురహరి, పుప్పాల కోటేశ్వరరావు తదితరులు పాల్గొన్నారు.

పేదలకు భోజనం టోకెన్లు పంపిణీ...
*********
మంగళగిరి పాత బస్టాండ్ సెంటర్లోని అన్నా క్యాంటీన్లో తెలుగుదేశం పార్టీ సీనియర్ నాయకులు గోవాడ దుర్గారావు తన కుమార్తె లక్ష్మి సాయి రోజా జన్మదినోత్సవాన్ని పురస్కరించుకొని శుక్రవారం పేదలకు భోజనం టోకెన్ లను ఉచితంగా పంపిణీ చేశారు. ముఖ్యఅతిథిగా మార్కెట్ యార్డ్ మాజీ వైస్ చైర్మన్ మన్నెం రమేష్ బాబు హాజరై భోజనం టోకెన్లు పంపిణీ చేశారు. అనంతరం ఆయన మాట్లాడారు. గోవాడ తన కుమార్తె పుట్టినరోజు సందర్భంగా అన్నా క్యాంటీన్ వద్ద భోజనం టోకెన్లు కొనుగోలు చేసి పేదలకు పంచడం అభినందనీయమన్నారు. ప్రతి ఒక్కరు దుర్గారావు ను ఆదర్శంగా తీసుకొని తమ ఇంట జరిగే శుభకార్యాల సందర్భంలో పేదలకు అన్నదానం వంటి సేవా కార్యక్రమాలు చేపట్టాలని ఆయన అన్నారు. ఈ కార్యక్రమంలో టీడీపీ నాయకులు మల్లెల మణికంఠ, కట్టెపోగు ఉదయ భాస్కర్ తదితరులు పాల్గొన్నారు.

గుంటూరులో వేగా జ్యువెలర్స్ ఆభరణాల దుకాణం ఘన ప్రారంభం

ప్రముఖ ఆభరణాల సంస్థ వేగా జ్యుయలర్స్ గుంటూరు నగరంలోని లక్ష్మీపురం ప్రాంతంలో నూతన ఆభరణాల దుకాణాన్ని అక్షయ తృతీయ శుభ సందర్భంగా గురువారం ఘనంగా ప్రారంభించింది. సినీ నటుడు, పద్మభూషణ్ పురస్కార గ్రహీత, ఎమ్మెల్యే నందమూరి బాలకృష్ణ ముఖ్య అతిథిగా హాజరై దుకాణాన్ని ప్రారంభించారు. కార్యక్రమంలో సంస్థ అధ్యక్షుడు బండ్లమూడి రామ్మోహన్ రావు, నిర్వహణాధికారి నవీన్ వనమా, కార్యనిర్వాహక అధికారి సుధాకర్ వనమా తదితరులు పాల్గొన్నారు. సినీ నటి డింపుల్ హయాతి పాల్గొని కార్యక్రమానికి ప్రత్యేక ఆకర్షణగా నిలిచారు.ఈ సందర్భంగా నిర్వహణాధికారి నవీన్ వనమా మాట్లాడుతూ, రాజధాని సమీప ప్రాంతమైన గుంటూరులో దుకాణం ప్రారంభించడం ఆనందదాయకమని తెలిపారు. అక్షయ తృతీయను పురస్కరించుకుని ఏప్రిల్ 16 నుంచి 26 వరకు సంస్థకు చెందిన అన్ని దుకాణాలలో ప్రత్యేక ఆఫర్లు అందిస్తున్నట్లు వెల్లడించారు.
వజ్ర ఆభరణాలపై ప్రతి క్యారట్‌కు ప్రారంభ ధర రూ.49,999గా నిర్ణయించినట్లు తెలిపారు. 22 క్యారట్ ప్రమాణం గల బంగారు ఆభరణాలపై తయారీ చార్జీలు 5.99 శాతం నుంచి 12.99 శాతం వరకు మాత్రమే వసూలు చేస్తున్నట్లు పేర్కొన్నారు. పాత బంగారు నగల మార్పిడి పై ప్రతి గ్రాముకు రూ.150 అదనంగా ఇస్తున్నట్లు వెల్లడించారు.గుంటూరు దుకాణం ప్రారంభోత్సవాన్ని పురస్కరించుకుని మొదటి వంద మంది కొనుగోలుదారులకు ఉచితంగా బంగారు నాణెం అందజేస్తున్నట్లు తెలిపారు. అదనంగా నిర్వహించే అదృష్ట డ్రాలో ఎంపికైన ఐదుగురు ఖాతాదారులకు రూ.2 లక్షల విలువైన బంగారు లేదా వజ్రాల హారం గెలుచుకునే అవకాశం కల్పించినట్లు తెలిపారు. ఈ ప్రత్యేక ఆఫర్లు గుంటూరు దుకాణానికే పరిమితమని స్పష్టం చేశారు.అక్షయ తృతీయ సందర్భంగా బంగారం కొనుగోలు శుభప్రదమని, అవసర సమయంలో ఆర్థిక భద్రతగా ఉపయోగపడుతుందని సంస్థ ప్రతినిధులు పేర్కొన్నారు.ఈ కార్యక్రమంలో ఎమ్మెల్యే నక్క ఆనందబాబు, బూర్ల రామాంజనేయులు, మరకశిరి ఎమ్మెల్యే రాజు, ఎమ్మెల్సీ ఆలపాటి రాజా, అలాగే ఏపీ టీఎస్ మన్నవ మోహన్ కృష్ణ తదితరులు పాల్గొన్నారు.