*మద్యం మత్తులో యువకుడి హల్ చల్*

*-ఆటోతో ప్రభుత్వ ఉద్యోగి కారును ఢీకొట్టిన యువకుడు*

*-ఆపై ప్రభుత్వ ఉద్యోగిపైనే దాడి*

*-అడ్డుకోబోయిన పలువురి వ్యక్తులపై సైతం ముష్టిఘాతాలు*


*-పోలీసులపై సైతం దాడికి పాల్పడిన యువకుడు*


*-ఎట్టకేలకు పట్టణ పోలీస్ స్టేషన్ కు తరలించిన పోలీసులు*


*మంగళగిరి
మద్యం మత్తులో ఉన్న ఓ యువకుడు నడిరోడ్డుపై హల్ చల్ చేశాడు. ఆటోతో ఓ ప్రభుత్వ ఉద్యోగి కారును ఢీకొట్టడమే కాకుండా అతనిపై దాడికి పాల్పడ్డాడు. అంతటితో ఆగకుండా అడ్డుకోబోయిన పలువురిపై ముష్టిఘాతాలు కురిపించాడు. సమాచారం అందుకున్న పట్టణ పోలీసులు సంఘటనా ప్రాంతానికి చేరుకుని నిందితుడిని అదుపులోకి తీసుకునే క్రమంలో ఏకంగా ఓ కానిస్టేబుల్ పై సైతం దాడికి పాల్పడ్డాడు. దీంతో సంఘటనా ప్రాంతంలోని పలువురు ప్రజలు సైతం భయాందోళనలకు గురి అయ్యారు. సేకరించిన వివరాల మేరకు.... గురువారం సాయంత్రం నగరంలోని సీతారామ కోవెల ప్రాంతానికి చెందిన ఇద్దరు యువకులు ఆటోలో బయలుదేరి ఆటోనగర్ కు వెళుతున్నారు. అదే సమయంలో ఆటోనగర్ లోని డైరెక్టరేట్ ఆఫ్ పబ్లిక్ హెల్త్ అండ్ ఫ్యామిలీ వెల్ఫేర్ శాఖ ఉద్యోగి తన కారులో ఇంటికి బయలుదేరాడు. ఈ క్రమంలో ఆల్ఫా హోటల్ ఎదుట రహదారిపై యువకుడు మద్యం మత్తులో ఉద్యోగి కారును తన ఆటోతో ఢీకొట్టడమే కాకుండా అతనిపై దాడికి పాల్పడ్డాడు. గమనించిన స్థానికులు కొందరు అడ్డుకునే ప్రయత్నం చేయగా మద్యం మత్తులో ఉన్న యువకుడు వారిపై సైతం ముష్టి ఘాతాలు కురిపించాడు. స్థానికులు ఇచ్చిన సమాచారం మేరకు పట్టణ ఎస్ఐ రవీంద్ర నాయక్ తన సిబ్బందితో హుటాహుటీన సంఘటనా ప్రాంతానికి చేరుకున్నారు. ఉద్యోగిపై దాడికి పాల్పడిన నిందితుడిని అదుపులోకి తీసుకుని పోలీస్ వాహనం ఎక్కించే ప్రయత్నం చేశారు. దీంతో మద్యం మత్తులో ఉన్న యువకుడు కానిస్టేబుల్ పై సైతం దాడికి పాల్పడి చొక్కా జేబుపై ఉన్న బ్యాడ్జిని సైతం లాగిపడవేశాడు. దీంతో ఎస్ఐ రవీంద్ర నాయక్ నిందితుడిని పోలీస్ వాహనంలో బలవంతంగా ఎక్కించి స్టేషన్ కు తరలించారు. దాదాపూ గంటపాటు జరిగిన హైడ్రామా ప్రత్యక్షంగా చూసిన ప్రజలు భయాందోళనకు గురి అయ్యారు. ఎట్టకేలకు నిందితుడిని పట్టణ ఎస్ఐ రవీంద్ర నాయక్ అదుపులోకి తీసుకుని స్టేషన్ కు తరలించడంతో ఊపిరిపీల్చుకున్నారు. నిందితుడిపై గతంలో పలు పోలీస్ కేసులు సైతం నమోదైనట్లు సమాచారం. కాగా బాధితుడైన ఉద్యోగి తనపై దాడికి పాల్పడిన యువకుడిపై ఇచ్చిన ఫిర్యాదును వెనక్కు తీసుకోవడంతో పట్టణ పోలీసులు సైతం నిరుత్సాహానికి గురైనట్లు సమాచారం.

*మద్యం మత్తులో యువకుడి హల్ చల్*

*-ఆటోతో ప్రభుత్వ ఉద్యోగి కారును ఢీకొట్టిన యువకుడు*

*-ఆపై ప్రభుత్వ ఉద్యోగిపైనే దాడి*

*-అడ్డుకోబోయిన పలువురి వ్యక్తులపై సైతం ముష్టిఘాతాలు*


*-పోలీసులపై సైతం దాడికి పాల్పడిన యువకుడు*


*-ఎట్టకేలకు పట్టణ పోలీస్ స్టేషన్ కు తరలించిన పోలీసులు*


*మంగళగిరి
మద్యం మత్తులో ఉన్న ఓ యువకుడు నడిరోడ్డుపై హల్ చల్ చేశాడు. ఆటోతో ఓ ప్రభుత్వ ఉద్యోగి కారును ఢీకొట్టడమే కాకుండా అతనిపై దాడికి పాల్పడ్డాడు. అంతటితో ఆగకుండా అడ్డుకోబోయిన పలువురిపై ముష్టిఘాతాలు కురిపించాడు. సమాచారం అందుకున్న పట్టణ పోలీసులు సంఘటనా ప్రాంతానికి చేరుకుని నిందితుడిని అదుపులోకి తీసుకునే క్రమంలో ఏకంగా ఓ కానిస్టేబుల్ పై సైతం దాడికి పాల్పడ్డాడు. దీంతో సంఘటనా ప్రాంతంలోని పలువురు ప్రజలు సైతం భయాందోళనలకు గురి అయ్యారు. సేకరించిన వివరాల మేరకు.... గురువారం సాయంత్రం నగరంలోని సీతారామ కోవెల ప్రాంతానికి చెందిన ఇద్దరు యువకులు ఆటోలో బయలుదేరి ఆటోనగర్ కు వెళుతున్నారు. అదే సమయంలో ఆటోనగర్ లోని డైరెక్టరేట్ ఆఫ్ పబ్లిక్ హెల్త్ అండ్ ఫ్యామిలీ వెల్ఫేర్ శాఖ ఉద్యోగి తన కారులో ఇంటికి బయలుదేరాడు. ఈ క్రమంలో ఆల్ఫా హోటల్ ఎదుట రహదారిపై యువకుడు మద్యం మత్తులో ఉద్యోగి కారును తన ఆటోతో ఢీకొట్టడమే కాకుండా అతనిపై దాడికి పాల్పడ్డాడు. గమనించిన స్థానికులు కొందరు అడ్డుకునే ప్రయత్నం చేయగా మద్యం మత్తులో ఉన్న యువకుడు వారిపై సైతం ముష్టి ఘాతాలు కురిపించాడు. స్థానికులు ఇచ్చిన సమాచారం మేరకు పట్టణ ఎస్ఐ రవీంద్ర నాయక్ తన సిబ్బందితో హుటాహుటీన సంఘటనా ప్రాంతానికి చేరుకున్నారు. ఉద్యోగిపై దాడికి పాల్పడిన నిందితుడిని అదుపులోకి తీసుకుని పోలీస్ వాహనం ఎక్కించే ప్రయత్నం చేశారు. దీంతో మద్యం మత్తులో ఉన్న యువకుడు కానిస్టేబుల్ పై సైతం దాడికి పాల్పడి చొక్కా జేబుపై ఉన్న బ్యాడ్జిని సైతం లాగిపడవేశాడు. దీంతో ఎస్ఐ రవీంద్ర నాయక్ నిందితుడిని పోలీస్ వాహనంలో బలవంతంగా ఎక్కించి స్టేషన్ కు తరలించారు. దాదాపూ గంటపాటు జరిగిన హైడ్రామా ప్రత్యక్షంగా చూసిన ప్రజలు భయాందోళనకు గురి అయ్యారు. ఎట్టకేలకు నిందితుడిని పట్టణ ఎస్ఐ రవీంద్ర నాయక్ అదుపులోకి తీసుకుని స్టేషన్ కు తరలించడంతో ఊపిరిపీల్చుకున్నారు. నిందితుడిపై గతంలో పలు పోలీస్ కేసులు సైతం నమోదైనట్లు సమాచారం. కాగా బాధితుడైన ఉద్యోగి తనపై దాడికి పాల్పడిన యువకుడిపై ఇచ్చిన ఫిర్యాదును వెనక్కు తీసుకోవడంతో పట్టణ పోలీసులు సైతం నిరుత్సాహానికి గురైనట్లు సమాచారం.