ప్రభుత్వ విద్య గురించి మాట్లాడితే ఏపీ గురించి మాట్లాడాలి

అందరం కలిసికట్టుగా ఆంధ్ర మోడల్ ఆఫ్ ఎడ్యుకేషన్ ను సాకారం చేద్దాం

నేను స్టాన్ ఫోర్డ్ వరకు వెళ్లానంటే దానికి కారణం నా ఉపాధ్యాయులు

ప్రభుత్వ పాఠశాలల ముందు నో అడ్మిషన్ బోర్డులు పెట్టారంటే కారణం ఉపాధ్యాయులే

లీప్(LEAP) మోడల్ ను పకడ్బందీగా అమలుచేయాలి

డీఎస్సీ అంటే చంద్రబాబు గారు.. చంద్రబాబు గారంటే డీఎస్సీ

గత ప్రభుత్వ హయాంలో ఉపాధ్యాయులు వైన్ షాపుల ముందు కాపలా కాసే పరిస్థితి

విజయవాడ ఏ-కన్వెన్షన్ సెంటర్ లో నిర్వహించిన గురుపూజోత్సవంలో మంత్రి నారా లోకేష్

సీఎం చంద్రబాబు గారితో కలిసి 175 మంది ఉత్తమ ఉపాధ్యాయులకు అవార్డులు అందజేత

విజయవాడః ప్రభుత్వ విద్య గురించి మాట్లాడితే ఏపీ గురించి మాట్లాడాలని, అందరం కలిసికట్టుగా ఆంధ్ర మోడల్ ఆఫ్ ఎడ్యుకేషన్ ను సాకారం చేద్దామని విద్య, ఐటీ శాఖల మంత్రి నారా లోకేష్ పిలుపునిచ్చారు. భారతరత్న డాక్టర్ సర్వేపల్లి రాధాకృష్ణన్ జయంతిని పురస్కరించుకుని మానవ వనరులు అభివృద్ధి శాఖ ఆధ్వర్యంలో విజయవాడ ఏ-కన్వెన్షన్ సెంటర్ లో నిర్వహించిన గురుపూజోత్సవంలో సీఎం చంద్రబాబునాయుడు గారితో కలిసి మంత్రి నారా లోకేష్ పాల్గొన్నారు. సీఎం గారితో కలిసి రాష్ట్రవ్యాప్తంగా 175 మంది ఉత్తమ ఉపాధ్యాయులు, అధ్యాపకులు, ఆచార్యులకు అవార్డులు అందజేశారు. ఈ సందర్భంగా ఏర్పాటుచేసిన సభలో విద్యాశాఖ మంత్రి నారా లోకేష్ మాట్లాడుతూ.. నా లైఫ్ టీచర్ గౌరవ ముఖ్యమంత్రి చంద్రబాబు గారు, మంత్రులు, ఎమ్మెల్యేలు, ఇతర ప్రజాప్రతినిధులు, అధికారులందరికీ నమస్కారం. ఈ రోజు ఈ కార్యక్రమం ఏర్పాటుచేశామంటే ఉత్తమ ఉపాధ్యాయులను గుర్తించే కార్యక్రమం. ఈ వేడుకలో పాల్గొన్న మీ అందరికీ పేరుపేరునా నమస్కారాలు. మాతృదేవోభవ, పితృ దేవోభవ, ఆచార్య దేవోభవ. తల్లీ దైవం, తండ్రీ దైవం, గురువు కూడా దైవమే. గురువులకే గురువు డాక్టర్ సర్వేపల్లి రాధాకృష్ణన్ గారి జయంతి సందర్భంగా విద్యావ్యవస్థకు, దేశానికి ఆయన అందించిన సేవలు స్మరించుకుందాం. డాక్టర్ సర్వేపల్లి రాధాకృష్ణన్ గారు చెప్పినట్టు The true teachers are those who help us think for ourselves అనేది గురువులంతా ఆచరిస్తే ఏపీ మోడల్ ఆఫ్ ఎడ్యుకేషన్ మిషన్ (లీప్) సక్కెస్ అవుతుంది.